Archu From The Archive, Poems, Tamil

வந்தால் மட்டும் போதுமா?

Share Button

VanthaalMattunPothuma1

Read a Tamil poem written by a bachelor blogger boy, in search of a girlfriend. His choice of words and play of pattern was so good that it deserved a reply in style. I replied likewise. Thank you Premnath Thirumalaisamy, for giving me a reason and the mind-set to write in Tamil once more. Must say I’ve missed it and lost touch. I hope the Tamil pundits who read this would excuse my spelling, typo and grammatical errors if any.

 

Original poem: நீ வருவாய் என!!!

அல்லும் பகலும்
வேலையை தவிர்த்து
வேறேதும் செய்யாது,
வீட்டிற்கும் அலுவலகத்திற்கும்

செக்குபோல் சுழலும்
வாலிப வாழ்கையின்
வசந்தமற்ற மற்றுமொரு
வழக்கமான மாலைபொழுதினில்

கதிரவன் கரைய
கார்முகில் வாய்பிளந்து
பொழிகிறது வான்
ஜன்னலோரம் நான்.

முகத்தில் அடித்தது
மழையின் சாரல்கள்
மனதை நனைத்தது
ஞாபகத் தூறல்கள்.

அனுதினமும் முகநூலில்
அளவளாவும் அன்பர்,
பின்னிரவு தாண்டியும்
அலைபேசும் நண்பரென

சுற்றமும் சூழலும்
தன்னிலை மறந்து
தத்தம் காதலியிடம்
நித்தம் கதைக்க,

நானோ தனியாக
தனிமைக்குத் துணையாக
உன்வரவை எதிர்நோக்கி
மௌனமாய் காத்திருக்க …

காதலிக்காக கால்வலிக்க
காத்திருப்பது சுகமெனில்
காதலுக்காக காத்திருப்பது
அதனினும் சுகம்தானே …

அடக்கத்திலும் அன்பிலும்
அத்தை மகளென,
பாசத்திலும் பண்பிலும்
பால்ய சிநேகிதியென,

கனிவிலும் கண்டிப்பிலும்
கல்லூரித் தோழியென,
அழகிலும் அறிவிலும்
அலுவலக நண்பியென

பரிட்சயமான முகங்களில்
அவ்வப்பொழுது தென்பட்டு
நீதானோ என்னவளென்று
முடிவெடுக்கும் முன்னரே
மறைந்துபோகும் உன்னை

என்றாவது சந்திப்பேன்
என்னும் நம்பிக்கையில்
நிதமும் தேடிக்கொண்டிருக்கிறேன்
கவிதையிலும் கற்பனையிலும் …

~பிரேம்

Reply below:

அல்லும் பகலும்
வேலையைத் தவிர்த்து
வேறேதும் செய்யாது
நீ வீற்றிருந்தால்,

உனக்காக ஒருவள்
உனக்கே உரியவள்
எங்கோ இருக்கிறாள்
என்று காத்திருந்தால்,

கனிவான தோழி
கண்கண்ட காதலி
விண்ணிலிருந்து வருவாள்
என்று கனவுகண்டால்,

கனவில் முகங்கள்
நினைவின் நிழல்கள்
என்று நிமிடங்களை
மட்டும் கரையவிட்டால்,

கிட்டும் கவிதைகளும்
சித்தரித்த கதைகளும்
உன் வலைப்பதிவின்
வாசகிகளை விசிறிகளாக்கலாம்

விசிறிகளில் காதலியை
கண்டறிய தேவை
மனம் மட்டுமன்று
முயற்சியும் தான்.

சுற்றமும் சூழலும்
தன்னிலையும் மறந்து
காதலியிடம் கதைக்கும்
நண்பர்களைக் கேட்டுப்பார்

காதலி கிடைப்பினும்
அந்தக் காதலை
கனிவாகக் காப்பது
கடினம் என்பார்கள்.

முயற்சியும் வேலையும்
அலுவலகத்தோடு நில்லாது
உறவுகளிலும் உணர்வுகளிலும்
தொடர வேண்டும்

கடமைகளோடு காதலையும்
பொறுப்புகளோடு பாசத்தையும்
கலந்து பகிர்ந்து
நட்பாக வேண்டும்

தம்பி –
அவ்வாறு முதிர்ந்து
மெதுவாக மலரும்
மென்மையான காதல்
கிடைபதற்கு காலம்
கடந்தாலும், அது
கரையாமல் கலையாமல்
காலத்துக்கும் உன்னுடனிருக்கும்.
வாழ்த்துக்கள்!!!

Share Button
Tagged ,

6 thoughts on “வந்தால் மட்டும் போதுமா?

  1. besh besh! pramaadam Archu!! Miss.Leelavati mattum idhai padicha romba perumai paduvaanga.. sol azhagu, porul azhagu nirainda azhagaana kavidhai… idarkku ookkamai irunda Premnath in kavidhaikkum paraattukkal!

  2. @Meens: Thanks Meens. Yeah, Miss Leelavati….our first strong motivation for Tamil writing. Everytime I write in Tamil, I keep thinking of our 8th standard classroom. Wish I could pass this to her now for review 🙂

  3. @Harsha: If you know someone who knows to read Tamil, ask them to translate it for u. And Anyways, this poem is for bachelor boys in search girlfriends. You are happily settled into matrimony. You will not need this anymore 🙂

Leave a Reply

Your email address will not be published.